〈龐卓欣認口直心快 做自己最舒服〉
【on.cc東網專訊】 「寸嘴Ada」龐卓欣從參選以來一直與麥明詩（Louisa）鬥得難分難解，最終卻輸給對方而屈居亞軍，雖然Ada認為Louisa的確實至名歸，但自言亦有較對方優勝的地方，便是參選期間抱輕鬆心情，而Louisa則不停思考。Ada從容面對得失，她笑謂：「好開心唔使選華姐，可以放肆咁食嘢！其實人愈大好難搵到真心朋友，好慶幸今次12個女仔都係一班會戥你開心嘅朋友，我冇諗過有呢種緣分！」
畀安全感男友
而被喻為寸嘴的她，不諱言自己只是口直心快，不喜歡轉彎抹角，認為做自己最舒服，更不介意公開男友身份，她謂：「大方承認有男友，係一個畀到安全感對方嘅方法，可能參選後會多咗粉絲或者追求者，但至少大家都知我係有男友。」
視G.E.M.為目標
音樂系畢業的Ada，決賽當日與藝人李璧琦合唱令人眼前一亮，原來Ada亦有想過闖歌壇，更以「小巨肺」鄧紫棋（G.E.M.）為目標，雖然如此，但Ada表示暫不會規限自己發展方向，她說：「拍劇做戲都想試，我有諗過做Youtuber教吓人化妝，或者分享我唱歌嘅片段！」
【麥明詩專訪】
{佳麗中同龐卓欣係最好的朋友}
提到曾是同窗的龐卓欣（Ada）屈居亞軍，Louisa直言對方是眾多佳麗中最好的朋友：「覺得同佢好有緣，同埋我哋背景好似。」提到奪冠後被指沒有佳麗上前抱抱，因而被指「冇朋友」、「無敵是最寂寞」，Louisa以三字金言回應：「在心中！」並坦言沒有因此感失落：「我心知事實唔係咁，所以唔會介懷，我不嬲同佢哋乜都傾，傾減肥、夢想、壓力。」
Search